$$ غلاء الاسعار $$

السلام عليكم ورحمة الله وبركاته

بما ان هذا موسم الاسواق والتجهيزات للعيد

حبيت اناقش معكم سالفة الغلاء..

هالايام كل شي ارتفع سعره

حتى كرتون الخيار على قولة امي

ومثل ما قالو في( طاش ما طاش )

زادو الرواتب 15% وزادو معاهم الاسعار 50%

يعني ما تهنينا بهالزيادة

حتى الحلويات زادت اسعارها!!

وين الاول..كان جدي يعطي ابوي وعمي ريال للفسحه **كل واحد نص ريال XD**
كانو يشترون بربع ساندويتس والربع الثاني بيبسي ..والحين 5 ريال ويالله ملحقين

وهالايام الكل يبي يكشخ .. مايشترون الا من ماركة كذا وماركة كذا..

قميص عادي مافيه ولا حتى نقشه بـ 200 ريال؟؟ اخليه لهم والله

اروح اشتري من طابا احسن لي >>طابا هو محل كبير رخيص لبيع الملابس موجود بين الخبر والدوحه


هذا عن السعودية بس..والله اعلم عن باقي الدول..

من الايميل:

جاء الناس إلى عمر بن الخطاب -رضي الله عنه - وقالوا : (غلاء اللحم فسعره لنا ،فقال: أرخصوه أنتم ؟ )فقالوا :نحن نشتكي غلاء السعر واللحم عند الجزارين ونحن أصحاب الحاجة فتقول أرخصوه أنتم ؟ وهل نملكه حتى نرخصه ؟وكيف نرخصه وهو ليس في أيدينا ؟) قال :اتركوه لهم..)


وش رايكم انتو؟

هالأ يام سعر الأكل مرتفع لأنه رمضان، وهذا يصير كل سنه وبعدها يبدأ يرخص شوي بعد العيد.

بالنسبة لغير الأكل، أتوقع انه تقريبا كل شي فيه منه الغالي والرخيص، ما يفرق شي غير الشركة المصنعة.

الحل الوحيد مثل ما قالت دارك، اذا ما في أحد يشتري الغالي لازم بيرخص. بس المشكلة إنه في ناس يصرف فلوسه بدون ما يفكر، وهو اللي يدفع التجار إلى زيادة الأسعار.